مسلسل غش المستهلكين مستمر و بقوة أشد هاليومين
هذه المرة الغش بجهاز الغالبية منكم يستعملونه لقراءة هذا البوست
اللابتوب أو الحاسوب المحمول
القصة بإختصار
توجهت بالأمس لحولى لشراء لابتوب جديد كهدية لأحد الأقرباء
و من معلوماتى الوافرة عن محلات حولى بحثت عن أرقى و أنظف محل هناك للتقليل من مجال الغش
المهم
عثرت على لابتوب جديد ...وللوهلة الأولى بدا لى رائعا
الماركة أمريكى HP
سعة الذاكرة 4 غيغا بايت
سعة قرص التخزين أو الهارديسك 320 غيغا بايت
كارد الفيديو 256 أم بى ATI
شاشة عالية النقاء بحجم 15 بوصة
و السعر ممتاز 265 دينار و قريب جدا من السعر الأصلى بالإنترنت و بالمحلات الأمريكية
و ما شاء الله المحل كان ملئ بالمتسوقين و أغلبهم من العوائل و النساء
دفعت الفاتورة و أنا مرتاح...شريت اللابتوب...الجديد
بعد وصولى للسيارة...نغزنى قلبى
قلت خل أطلع كرتون اللابتوب من الكيس و أتأكد إذا كل شى سليم قبل لا أحرك
مفاجأة صاعقة
الكرتون باين عليه قديم بعض الشى...و على طول العلبة مكتوب عليه هذه الكلمة القاتلة
Refurbished
يعنى بلغتنا....مـــــســــتـــــعـــــــمــل
من هول الصدمة حملت العلبة و ركضت بإتجاه المحل و هددت البائع بإنى سأشتكى لحماية المستهلك على هذا الغش التجارى
قلت له إنت بايع لى كمبيوتر مستعمل على إنه يديد...صح؟
البائع كانت صدمته أكبر...لأول مرة على ما يبدو يكتشف أحد الزبائن هذا الغش
البائع ياى يكحلها...عماها...قال لى الغالبية العظمى - إذا مو كل محلات الكمبيوتر بحولى و غيرها - تبيع الكمبيوترات المستعملة...على إنها جديدة و بأسعار لا تختلف كثيرا عن السعر الأصلى
خوش تجارة والله
و أنا أقول شلون هذه المحلات شغالة و قادرة إتربح
أرجو أن توصلون هذا التحذير لكل أهاليكم و معارفكم و أصدقائكم...أمس شفت أمهات مع أطفالهم بالمحل ...مساكين يدفعون المئات من الدنانير لأجهزة مستعملة ..تم إعادة تعليبها من قبل المصنع...أجهزة مخدوشة و فيها عيوب و قد تتعطل بأى لحظة
إذا كنت محتاج للابتوب فتوجه للوكالة مباشرة..و إذا كنت مضطر تشترى من حولى لرخص الأسعار...فإعلم بأنك تشترى جهاز مستعمل و قيمته هى أقل بكثير من السعر المعلن
لا من نواب و لا من لابتوب...ماكو شى صح بهالديرة
هذه المرة الغش بجهاز الغالبية منكم يستعملونه لقراءة هذا البوست
اللابتوب أو الحاسوب المحمول
القصة بإختصار
توجهت بالأمس لحولى لشراء لابتوب جديد كهدية لأحد الأقرباء
و من معلوماتى الوافرة عن محلات حولى بحثت عن أرقى و أنظف محل هناك للتقليل من مجال الغش
المهم
عثرت على لابتوب جديد ...وللوهلة الأولى بدا لى رائعا
الماركة أمريكى HP
سعة الذاكرة 4 غيغا بايت
سعة قرص التخزين أو الهارديسك 320 غيغا بايت
كارد الفيديو 256 أم بى ATI
شاشة عالية النقاء بحجم 15 بوصة
و السعر ممتاز 265 دينار و قريب جدا من السعر الأصلى بالإنترنت و بالمحلات الأمريكية
و ما شاء الله المحل كان ملئ بالمتسوقين و أغلبهم من العوائل و النساء
دفعت الفاتورة و أنا مرتاح...شريت اللابتوب...الجديد
بعد وصولى للسيارة...نغزنى قلبى
قلت خل أطلع كرتون اللابتوب من الكيس و أتأكد إذا كل شى سليم قبل لا أحرك
مفاجأة صاعقة
الكرتون باين عليه قديم بعض الشى...و على طول العلبة مكتوب عليه هذه الكلمة القاتلة
Refurbished
يعنى بلغتنا....مـــــســــتـــــعـــــــمــل
من هول الصدمة حملت العلبة و ركضت بإتجاه المحل و هددت البائع بإنى سأشتكى لحماية المستهلك على هذا الغش التجارى
قلت له إنت بايع لى كمبيوتر مستعمل على إنه يديد...صح؟
البائع كانت صدمته أكبر...لأول مرة على ما يبدو يكتشف أحد الزبائن هذا الغش
البائع ياى يكحلها...عماها...قال لى الغالبية العظمى - إذا مو كل محلات الكمبيوتر بحولى و غيرها - تبيع الكمبيوترات المستعملة...على إنها جديدة و بأسعار لا تختلف كثيرا عن السعر الأصلى
خوش تجارة والله
و أنا أقول شلون هذه المحلات شغالة و قادرة إتربح
أرجو أن توصلون هذا التحذير لكل أهاليكم و معارفكم و أصدقائكم...أمس شفت أمهات مع أطفالهم بالمحل ...مساكين يدفعون المئات من الدنانير لأجهزة مستعملة ..تم إعادة تعليبها من قبل المصنع...أجهزة مخدوشة و فيها عيوب و قد تتعطل بأى لحظة
إذا كنت محتاج للابتوب فتوجه للوكالة مباشرة..و إذا كنت مضطر تشترى من حولى لرخص الأسعار...فإعلم بأنك تشترى جهاز مستعمل و قيمته هى أقل بكثير من السعر المعلن
لا من نواب و لا من لابتوب...ماكو شى صح بهالديرة
47 comments:
هههههه
شكو النواب
الكمبيوترات و السيارات و التلفونات
ما ينشرون الا من الوكالة :)
لأن سهل ينلعب فيهم
لحظة ،
انت تقول الذاكرة 4 جيجا !!!!!
قصدك
RAM
صح ؟
لأن مو معقولة الهارد ديسك 4 جيجا
اخاف بعد قصو عليك
abu eldestor
كل المشاكل الحين سببها النواب
منطلقة بطموحي
المحل كان موزع معتمد من الوكيل نفسه
الذاكرة هى الرام كانت بسعة 4 غيغا بايت
أما قرص التخزين أو الهارد ديسك فكانت سعته 320 غيغا بايت
شكرا لسؤالك و سأقوم بتوضيح هذا بالبوست
لا حول ولا قوة الا بالله
شهالذمة اللي مافي اوسع منها!!
بصراحة
انا مكانين احسهم بؤر فساد بالكويت ومع الاسف لها زباينها
حولي و محلات شرق
انزين ما فيها شي اذا حط سيكيند هاند!!!
هم لها شرايتها!!
والله الشرهة على اللي فاتحلهم مجال بهالبلد!! ومو قاعد يحاسبهم!
مشكور على النصيحة
:)
chandal/danchal!!
تخيل معاى مقدار الربح إللى قاعد يحصلونه هذول الحرامية
هو شارى جهاز مستعمل و بسعر الجملة من أمريكا...و يبيعه عليك بسعر جهاز يديد و توه طالع من المصنع
بالضبط كأنك شارى سيارة مستعملة بسعر سيارة يديدة من نفس الموديل و السنة من الوكالة...
هذول اللابتوبات بعلب أصلية من المصنع...و معاها كتالوجاتها و كل شى إمغلف بالنايلون...و إذا ما إتلاحظ الخدوش على الشاشة و ما شابه...ما راح إتعرف إنه مستعمل
شكراً للنصيحة يا أبا جيج... هذا هو دور المدونات في كشف المستور... ومنا إلى الصحافة النائمة
---
ملاحظة: ذبحتنا بالألوان الفاتحة اللي ما تبين على
Google Reader
Zaydoun
الألوان الفاتحة هى لحث القراء من القووقل ريدر على زيارة مدونتى
Anti Google Reader tactic
سعادة الوزير السابق
اللي يزورون مدونتك عشان يعلقون، راح يجذبهم كلامك وطرحك وليس الألوان
;-)
قلعتك
يا بو الرخص
Zaydoun
الفكرة هى حث قراء المدونات من خلال القوقل ريدر على زيارة المدونة بدل من قراءة المقال دون التعليقات
القوقل ريدر نسف حجم المشاركات و عدد التعليقات و أتصور بإنك حاس بهذاالشى مثل بقية الزملاء
ma6goog
صحيح
مو مثل بعض الناس...لا أتوجه لمحلات الألكترونيات الكبيرة أو الوكالات و أحصل على أجهزة بأسعار مبالغ فيها و بعدين يحولون فواتيرى لديوان المحاسبة...
دى فى دى بلاير و جهازين فاكس بخمسة آلاف دينار؟
معلش
صح كلامك... لكن ما في شك ان الريدر يسهل متابعة ما يستجد على المدونات أول بأول، بدال ما نقعد نحوس بين المدونات بحثاً عن الجديد
يبدو أن لكل شيء ثمن
;-)
Zaydoun
أنا لا أستغنى عن القوقل ريدر و خاصة لمتابعة مواقع الأخبار العالمية و أيضا المدونات الغربية المتخصصة بأمور السياسة و الطهى و الروحانيات و عروض السحر و المتاحف
و أتمنى لو قامت قووقل بفتح المجال للتعليق بالمدونات من خلال برنامجهم هذا
هل كيف يصير غش بالتجارة ؟
http://www.youtube.com/watch?v=fpOP_TB3dzs
دقة محترمة
اشوه انك قتلي .. يبيله استجواب حق احمد باقر
المكرونة و اللاب توب
عالأقل الفاتورة موجودة , و من حق العميل ان يسترجع امواله في حالة عدم رضائه عن اداء الدي في دي و الفاكس
فيك خير علِّق على الملايين اللي انصرفت بدون فواتير او عقود توريد
و انت ادرى مني بالجهات المستفيدة
شكرا
أشوه اني عمري ما تعاملت مع هالمحلات
:)
و أنا غالبا أقرأ مواضيعك من القوقل ريدر و اذا الخط كان فاتح أسوي هايلايت و يصير أوكي
hint for Zaydoun ;)
انا قلت لك ابي ايسر ما ابي اكلف عليك
حولي الحرمنة فيهم من زمان و اذا اهي لابتوب تخيل يبوقونك بالذاكرات الخارجية، و اذا الاكسيرنال مالك اخترب و كنت متحسف على الي فيه شقوك و ارخصهم يقول لك الغيغا بعشرين دينار و ان كان عندك 500 يعني الحسبة تصير 10000 دينار، بالذمة مو خبال؟
عندك مشكلة ثانية بالغنم الي تحط اعلاناتها بالوسيط و غيره انهم يصلحون لابتوبات بالبيت، ما عندهم غير الفورمات و تبديل الدي في دي رايتر او الرامات، و ان استمرت نفس المشكلة يسوي لك فورمات ثاني و اهو يضحك
طخه طشر مخه
اكتشفت هالشي قبلك، لما اشتريت لاختي الصغيرة لابتوب هدية، توجه زوجي لحولي مثلك واشترى جهاز على انه جديد ومعاه ورقة الكفالة، وبعد ايام قليلة طلعت فيه مشاكل، وديناه الورشه قالولنا الكفالة منتهية لان الجهاز صار له اكثر من سنة، قلنا شلون والفاتوره ماصار لها اسبوعين!!
بس مع التهديد بالشكوى رجع صاحب المحل المبلغ كامل
بس انا فيه شغلة مو فاهمتها، الحين شلون يعطي ورقة كفالة بدون علم الوكيل المعتمد؟ والا يكون عنده خبر؟
اي احسن شي من الوكاله
حسرتنا الغش صار بكل مكان
عيل اهمه جذي .. حدهم مو متأثرين بالازمه
:)
يادي هالازمه الماليه اللي حاطه دوبي دوبها
لول
شكرا على التنبيه
هاهاهاها اي والله شكو النواب يا بوجيج
المهم نصيحتي لك لاتاخذ لابتوب من محلات حولي غير ان ممكن يكون مستعمل ترى كفالاتهم اغلبها كفالة محل تعبانه
زيده شوي واخذ من الوكيل احسنلك واضمن بعديك hp
بنظري اكثر مواصفات باقل سعر مقارنة بباجي الماركات انا موقاعد اسوي دعايه لكن هذي المحلات وهذا النت وشوفو
انزين بوجيج تهقه ماكو نواب Refurbished
يمكن يصيرون احسن مايصارخون وايد ويلجونه بهالتصريحات
من زمان مااحب الاب توب و ما اشترية الا من الوكالة حط فلوسك بالمشس و اقعد يمها بعد لن ماكو ظلال منحرق منحرق
زميلك السابق بالوزارة أحمد باقر يفكر جديا بموضوع الغش التجاري بشرط أعادة تعيينه وزيرا للتجارة في الحكومة اليديدة
اسمحلي صديقي
العيب فيك .. وبانت الحقيقه بالتجربه
طلعت مخملي بحت وبغيت تتلزق بالخيشيين .. اخرتها طحت بالسالفه .. ثاني مره استعين بخيشي يضبطك .. تدري في انفاق تحت حولي محد يدلها؟
ريفربشد مو يعني مستعمل بمعنى الكلمه .. في اختلاف بسيط بينهم
هذا يكون راجع الوكاله ومتأكدين منه وانه مافيه مشاكل كلش ويردون يبيعونه بالسوق بعدين
يعني بامريكا الشباب دايم جذي ياخذ اللابتوب يرجع البيت يشوف مثلا زر باللابتوب مايشتغل .. مايروح يصلحه .. لأ يرجعه لأن عندك فتره شهر تقدر ترده وتاخذ واحد بداله
فبعضهم يكون مافيهم شي
لكن
السعر بعد ما انفتح الكرتون وتم تشغيله اكيد لازم ينزل .. يعني حولي مستغلين انه شكله يديد ووارد من الشركه ويبيعونه بنفس سعر اليديد .. وهذا اهو الغش بعينه وعلمه
زين قلتلي .. كلش مادري عن هالموضوع !!!
احسن حل .. بس هذا اذا ودك تنطر .. اي واحد تعرفه رايح امريكا .. وصه على لابتوب .. اهناك اللابتوبات ارقى شي وبرخص صمونه الشاورما !! .. طبعا مقارنه بوكالات الكويت النصابين !!
bo bader
كل ما مرت السنين..كل ما أصبحت مشاهد درب الزلق أكثر واقعية و تبكى أكثر
mtfa2el
باقر راح يرد وزير...بس مو للتجارة...وزير الدولة و نائب رئيس الوزراء
ma6goog
بدون فواتير لأن أصحابها لا يحبون الدعاية و الإستعراض
Purplecious
إى علمى شيخ المدونين شلون يقرأ بوستاتى بالقوقل ريدر
هايلايت و بس...ما يبيلها سحر
EXzombie
تستاهل أفضل لابتوب من محلات مطقوق
المشكلة هو أن الوضع سايب بحولى
وين حماية المستهلك .., ليش التفتيش بس على الأفلام المقرصنة أم نص دينار؟؟
ما إتشوفون الغش ببيع أجهزة مستعملة و قطع غيار مسروقة ...الآلاف من مستعملى الكمبيوتر ما يستغنون عن حولى لرخص الاسعار...بس مو عارفين إنهم مغشوشين بكل شى
و خدمات تصليح الكمبيوتر إضحوكة
أى خلل ما ينحل إلا بالفورمات...حتى لو لو مشكلة بصغر خط المدونة...حلها بالفورمات
R
الله ستر و قدرتوا تكتشفون الخدعة و تسترجعون قيمة الجهاز
كم شخص غير محظوظ صار معاه نفس الشى...و ما إكتشف الغش ؟
أتوقع بالآلاف
لأن الأجهزة تأتى بعلب أصلية مع كامل محتوياتها و حتى كفالة
الكفالة طبعا إتكون قصيرة المدة لأن الجهاز تم إستعماله و إرجاعه
why me
عقلية الغش المتفشية عندنا مالها علاقة بالأزمة المالية
محلات حولى تبيع الكمبيوترات و ملحقاتها منذ سنوات طويلة و من البداية صارت مركز لكل ما هو رخيص و مشكوك بجودته ...بس الحين مع وجود الآلاف من مستخدمى الكمبيوتر و النت صار الغش عينى عينك...العلبة مطبوع عليها مستعمل و يقول لى جهاز يديد
هذى وين إتصير غير عندنا؟
Bad-Ran
العفو ما سوينا شى...بس بليز وصلوا هذا التحذير لكل من تعرفون..
Hashemy
النواب (المستعملين) و المعاد تعليبهم...كثيرين
إقعد و عد
و أتوقع راح إنشوف طوفان من الترشيحات هذه المرة...الكل راح ينزل الإنتخابات
مو بس المتردية و النطيحة
اشوه انك ما مشيت :\
شهالذمه الوسيعه ;s
Enter-Q8
هناك غش مقبول..مثل المبالغة بالاسعار و بالربح
بس بيع أجهزة مستعملة...على إنها جديدة...شى من الإستحالة قبوله
و التوجه للوكالات مو حل منطقى..لأن كثيرا من الأوقات تكون بحاجة لجهاز ذو مواصفات معينة ما تلقاها عندهم
ABC
تو الناس
خل يجابل أول شى المحظورات بمحلات صاحبه
مثل بطاقات المعايدة الوكيحة و أغراض الإحتفال بعيد الفالنتاينز الكافر
LiL ALiEN
أنفاق حولى قصدك المجارى؟
هذى يبيلها أقنعة غاز و بدلات حماية من الكيماويات الحارقة
الحين حولى من متى صارت للخيشيين فقط؟
حولى فيها محلات تبيع بضائع باسعار خيالية مقارنة بما هو موجود بالنا
و إنت بعدين إلين مو تمساح منحاش علشان إتحوس بالأنفاق
Q80 Blogger
هذا ما ذكرته بالمقال...الجهاز مستعمل و تم إعادة تعليبه من المصنع الأصلى
و طبعا سبب إرجاعه للوكالة...مجهول و قد يكون لسبب تافه أو عيب كبير
بكل الأحوال هو ليس بجديد و تم إستعماله لفترة غير محددة...و ماكلين عليه بيتزا يمكن
المشكلة باللابتوبات المستوردة من أمريكا مباشرة...بأنها خالية من الأحرف العربية على الكيبورد
هذا السبب الوحيد إللى يخلى غالبية الناس يتوجهون للسوق المحلى بدل من الإستيراد
و كما ذكرت...الغالبية العظمى من محلات حولى يتعاملون بهذه الأجهزة المستعملة و لهذا ما حددت المحل بالإسم
Kuwait
هذى من خبرة التعامل مع محلات حولى
حتى لو إتعرف البائع و تتعامل مع المحل من سنين
توقع يغشونك بأى لحظة لأنهم ما يعرفون شنو يعنى معنى غش و حرام و عيب..
كل شى مباح بحولى
عاد مو كل المحلات بحولي يسوون نفس حركة اللي غشك
وانت الصاج خلني ازيدك من الشعر بيت في منهم اللي يشتري اللابتوب من شخص محتاج (عسى الله يبعدنا وياكم عن الحاجة) بالاتفاق معه ان يشتري لابتوب معين من محلات الالكترونيات الكبيرة "بالأقصاد" ليشتروها منه بسعر أقل... لكنها بالنهاية لما تشتريها انت فهي جديدة.
الغش بالتجارة بالكويت أصبح عرف ونموذج تجاري ناجح ويرغم من لا يستخدمة يا بإعادة النظر أم الخروج من السوق في الكثير من الحالات
ولا تتخيل الوكلاء بحالة أفضل
ء(لا ما عندي محل كمبيوتر لكن السلوك واحد في مجالات أخرى صدقني)ء
اتصير اتصير
لما يكون المستهلك .. مو مفتح عيونه
ياليت اتسوي لما جوله بمطاعم الكويت وتتكلم لنا اشوي عن
لما الجرسون يتغفل اللي جدامه ويعطيك فاتوره غلط
وال
customer
دفع وهو يضحك
الا من رحم ربي بس اللي يجيكون على الفاتوره ويشوفون هذا طلبهم ولا لأ
:)
كل ما ادش بلوقك أشتهي كيوي
لوول
يتغفل = يستغفل
تصحيح بدليه
لول
يعني الجهاز ياي من امريكا مستعمل ؟
اغلب الطابعات واللابتوبات في حولي كلها مستعمله ومكتوب عليها ريفيربشد. احس الكويت ديره كلها حرامية. سيارات اسعارها دبل. كمبيوترات اسعارها دبل، دكاتره بالمستوصفات مالهم خلق يشوفونا، المطاعم اسعارها دبل...وطبعا الموضفين مالهم خلق يشتغلون ويحللون معاشاتهم
Post a Comment